Yr Ymerodraeth Vawr

Nid ydym elwach o fachlud yr haul
ar hon, mae’r meddylfryd
yn fyw a’r hen ysfa o hyd
i arwain ac ymyrryd.

Riffiau Ddoe

Gyda'r gitâr yn y to a fyntau
dan fantell parchuso,
daw nodau un i'w hudo
drachefn i far cefn y co'.

You'll never walk alone

Goleddwyr hen gelwyddau, dygwch hwy
naw deg chwech o weithiau
i brofi’r gwir trech na’r gau
gan hedydd teg ei nodau. 

Englyn ar Hap

Trannoeth

Drwy’r mudandod defodol, yn y bwlch
lle bu’r geiriau ysol
yn duo’r hwyr a throi’r drol,
mae ‘sori’n’ wawr amserol.

Digwyddiadau i ddod

Dim digwyddiadau yn y calendr